Table of Contents
+
Pakistan mein 1 January 2026 se petrol aur diesel ki qeemton ko le kar bazaar mein tez charcha chal rahi hai. International oil market ke trends aur mulki reports yeh ishara deti hain ke is martaba petrol ki qeemat mein halka sa izafa ho sakta hai. Diesel ki qeemat zyada tabdeeli ke baghair stable rehne ka imkaan hai.
Neeche January 2026 ke mutawaqqa rate aur un se mutaliq mukammal tafseel pesh ki ja rahi hai.
Expected Fuel Prices (1 January 2026)
Hukoomati hawalon aur OGRA ke ibtidaai andazay ke mutabiq, naye saal ke shuru hotay hi fuel ki qeemton ka imkaan kuch is tarah hai.
| Fuel Type | Current Price PKR | Expected Change | New Expected Price |
|---|---|---|---|
| Petrol MS | Rs. 263.45 | + Rs. 2.65 izafa | Rs. 266.10 |
| High Speed Diesel | Rs. 265.65 | 0.00 koi tabdeeli nahi | Rs. 265.65 |
| Kerosene Oil | Rs. 176.81 | + Rs. 1.50 | Rs. 178.31 |
Zaroori Note: Ye qeemten sirf ibtedayi andazay par mabni hain. Haatmi elan Wazir e Azam ki manzoori ke baad 31 December ki raat jari hoga.
Qeemton mein Izafay ki Wajohat
January 2026 mein petrol ki qeemat kam na hone ki aham reasons yeh hain:
- Aalmi oil market ka asar: Bain-ul-aqwami satah par crude oil ki qeemat mein halki si barhtri hui hai, jis ka seedha effect local rates par parta hai.
- Petroleum levy ka pressure: IMF agreement ke mutabiq hukoomat petroleum levy barhane par qaim hai, is wajah se petrol sasta karna mushkil ho gaya hai.
- Dollar ke muqable mein rupaye ki halat: Rupaye mein utaar chadhav se import cost barhti hai, jo fuel prices ko neeche aane nahi deta.
Awam par Asraat
- Transportation: Petrol ki qeemat barhne se bike aur car chalana zyada mehnga ho jaye ga. Rozana safar ka budget seedha asar le ga.
- Inflation: Diesel ki qeemat stable rehne se goods transport ke kiraye barhne ka imkaan kam hai. Is se khanay peenay aur rozmarra ki cheezon ki qeematon par pressure kam reh sakta hai.
- New Year Travel: New year ki chuttiyon mein safar karne walay logon ko fuel par pehle se zyada kharcha rakhna hoga. Trip planning mein fuel cost zaroor shamil karein.
Official Announcement kab hogi?
Fuel prices mein tabdeeli har 15 din baad ki jati hai. January 2026 ke liye qeemton ka sarkari notification Finance Division 31 December 2025 ko jari karega. Yeh qeemtain 1 January se laagu ho jayengi.
Related More Articles Post
Read Also
Get Updates
